. សេរីភាពបញ្ចេញមតិគឺជាលក្ខណៈគ្រិៈនៃសិទ្ធិ We should live without fear( សូមបងប្អូនជាជាតិខ្មែរ សូមចូលរួមបោះឆ្នោតជ្រើសរើសមេឃុំ/សង្កាត់ នៅថ្ងៃទី ០៤ ខែ មិថុនា ឆ្នាំ២០១៧ អោយបានគ្រប់ៗគ្នា."

ព៍ត៌មានទាន់ហេតុការណ៍ៈ បាតុកម្មនៅមុខ សាលាក្រុងប៉ោយប៉ែតមានជ័យ ថ្ងៃទី ៣០ ខែ ឧសភា ឆ្នាំ២០១៧

Friday, August 10, 2012

សៀ ភារម្យ ត្រូវ​គេ​គំរាម​កំហែង​បន្ទាប់​ពី​ផ្ដល់​បទ​សម្ភាសន៍ដល់​វិទ្យុ​អាស៊ី​សេរី

2012-08-10

ការ​គំរាម​កំហែង​ទៅ​លើ​អ្នក​ការពារ​សិទ្ធិ​មនុស្ស ដែល​ជា​រឿយៗ​បាន​រិះ​គន់​ទៅ​លើ​រដ្ឋាភិបាល នៅ​តែ​បន្ត​កើត​មាន​នៅ​ក្នុង​សង្គម​កម្ពុជា​បច្ចុប្បន្ន។ តួ​យ៉ាង លោក សៀ ភារម្យ ជា​នាយក​លេខាធិការដ្ឋាន​ក្រុម​ការងារ​ពិសេស​សិទ្ធិ​លំនៅឋាន ត្រូវ​បាន​សហព័ន្ធ​និស្សិត​ដែល​មាន​ជំហរ​គាំទ្រ​រដ្ឋាភិបាល ព្រមាន​អោយ​បញ្ឈប់​ការ​រិះគន់​គោល​នយោបាយ​របស់​រដ្ឋាភិបាល​ពី​ការ​វាស់វែង​ដីធ្លី​ដោយ​ក្រុម​និស្សិត​ស្ម័គ្រចិត្ត។


ការ​ព្រមាន​នោះ កើត​ឡើង​បន្ទាប់​ពី​លោក​បាន​ផ្ដល់​បទ​សម្ភាសន៍​ដល់​វិទ្យុ​អាស៊ី​សេរី ទាក់​ទិន​នឹង​គោល​នយោបាយ​ចាស់​សកម្មភាព​ថ្មី​របស់​រដ្ឋាភិបាល​ក្នុង​ការ​ដោះស្រាយ​ជម្លោះ​ដីធ្លី។
អ្នក​ការពារ​សិទ្ធិ​មនុស្ស​នៅ​កម្ពុជា ហៅ​ករណី​នៃ​ការ​ព្រមាន​លោក សៀ ភារម្យ ថា ជា​ការ​គំរាម​កំហែង​ដល់​ដំណើរ​ការ​អនុវត្ត​លទ្ធិប្រជាធិបតេយ្យ និង​ការ​អនុវត្ត​នីតិរដ្ឋ។
មន្ត្រី​ផ្នែក​គម្រោង​អ្នក​ការពារ​សិទ្ធិ​មនុស្ស នៃ​មជ្ឈមណ្ឌល​សិទ្ធិ​មនុស្ស​កម្ពុជា លោក សួន ប៊ុនធឿន មាន​ប្រសាសន៍​ថា ក្នុង​ភាព​ជា​ពលរដ្ឋ​រស់នៅ​ក្នុង​ប្រទេស​ដែល​ប្រកាន់​លទ្ធិប្រជាធិបតេយ្យ លោក សៀ ភារម្យ មាន​សិទ្ធិ​បញ្ចេញ​ទស្សនៈ​ចំពោះ​ការ​អនុវត្ត​ណា​មួយ​របស់​រដ្ឋាភិបាល។ លោក សួន ប៊ុនធឿន បន្ត​ថា ការ​គំរាម​ចំពោះ​អ្នក​រិះគន់​រដ្ឋាភិបាល គឺ​បង្ហាញ​ថា សេរីភាព​បញ្ចេញ​មតិ​នៅ​កម្ពុជា​បាន​រួម​តូច។
សេចក្ដី​ប្រកាស​ព័ត៌មាន​របស់​មជ្ឈមណ្ឌល​សិទ្ធិ​មនុស្ស​កម្ពុជា បាន​អោយ​ដឹង​ថា កាល​ពី​ថ្ងៃ​ទី​៣ ខែ​សីហា កន្លង​មក សហព័ន្ធ​និស្សិត​បញ្ញវន្ត​ប្រជាធិបតេយ្យ​កម្ពុជា និង​សមាគម​សិស្ស​និស្សិត បញ្ញវន្ត​ក្មេង​វត្ត បាន​ចេញ​សេចក្ដី​ថ្លែងការណ៍​មួយ​ព្រមាន​លោក សៀ ភារម្យ អោយ​បញ្ឈប់​ការ​រិះគន់​លើ​គោល​នយោបាយ​រដ្ឋាភិបាល​ក្នុង​ការ​វាស់​វែង​ដីធ្លី។
សេចក្ដី​ថ្លែងការណ៍​ដដែល​នោះ​បាន​បន្ត​ថា ទាំង​លោក សៀ ភារម្យ និង​សមាជិក​អង្គការ​សង្គម​ស៊ីវិល​ដទៃ​ទៀត នៅ​តែ​បន្ត​ការ​រិះគន់​នោះ ពួក​គេ​នឹង​មិន​អាច​ទទួល​ខុស​ត្រូវ​ចំពោះ​ប្រតិកម្ម​ផ្សេងៗ​ពី​យុវជន​ស្ម័គ្រចិត្ត​ចុះ​វាស់​វែង​ដី​ធ្លី និង​ពី​សំណាក់​ប្រជាពលរដ្ឋ​ឡើយ។
ការ​ព្រមាន​នោះ​កើត​ឡើង​បន្ទាប់​ពី​លោក សៀ ភារម្យ នាយក​លេខាធិការដ្ឋាន​ក្រុម​ការងារ​ពិសេស​សិទ្ធិ​លំនៅឋាន កាល​ពី​ថ្ងៃ​ទី​១ ខែ​សីហា បាន​ផ្ដល់​ការ​សម្ភាស​ជាមួយ​វិទ្យុ​អាស៊ី​សេរី ដោយ​លើក​ឡើង​ថា ការ​ចុះ​វាស់​វែង​ដីធ្លី​តាម​គោល​នយោបាយ​របស់​រដ្ឋាភិបាល​នោះ គឺ​ពុំ​មាន​ប្រសិទ្ធភាព និង​និរន្តរភាព​ឡើយ គឺ​គ្រាន់​តែ​ជា​ការ​បង្កើន​រូបភាព​ផ្នែក​នយោបាយ​ប៉ុណ្ណោះ។
ការ​ព្រមាន​នោះ​ទៀត​សោត គឺ​បន្ទាប់​ពី​លោក​នាយក​រដ្ឋមន្ត្រី ហ៊ុន សែន បាន​ប្រកាស​ជា​សាធារណៈ​ថា ដោយ​ទទួល​ស្គាល់​ថា ការ​បញ្ជូន​យុវជន​ស្ម័គ្រចិត្ត​អោយ​បំពេញ​បេសកកម្ម​វាស់​វែង​ដីធ្លី គឺ​ដើម្បី​ចំណេញ​នយោបាយ។ ស្រប​គ្នា​នោះ លោក​នាយក​រដ្ឋមន្ត្រី​ក៏​បាន​ព្រមាន​ផ្ទាល់​មាត់​ដល់​អ្នក​រិះគន់​នយោបាយ​នោះ​ថែម​ទៀត។
កាល​ពី​ខែ​ឧសភា លោក សៀ ភារម្យ នាយក​លេខាធិការដ្ឋាន​ក្រុម​ការងារ​ពិសេស​សិទ្ធិ​លំនៅឋាន ក៏​ធ្លាប់​ទទួល​បាន​ទទួល​ការ​ព្រមាន​តាម​រយៈ​សារ​អេឡិចត្រូនិក (អ៊ីមែល=E-mail) ចំនួន​១០៣​ដង ដោយ​ជំរុញ​អោយ​លោក​បញ្ឈប់​សកម្មភាព​ជួយ​តស៊ូ​មតិ​ការពារ​សិទ្ធិ​លំនៅឋាន សម្រាប់​អ្នក​បឹង​កក់ និង​អ្នក​បុរី​កីឡា ដែល​ត្រូវ​ម្ចាស់​សារ​អេឡិចត្រូនិក​ចាត់​ទុក​ជា​ការ​ញុះញង់​ប្រជាពលរដ្ឋ៕

0 comments:

Post a Comment

 
Design by Free WordPress Themes | Bloggerized by Lasantha - Premium Blogger Themes | JCPenney Coupons